Majalisar Waƙilai ta umarci CBN ta dakatar da sabon tsarin kayyade cire kuɗi a rana
managarciya
Majalisar wakilai ta bukaci babban bankin Najeriya (CBN) da ta dakatar da aiwatar da sabuwar manufar cire kudaden da aka shirya gudanarwa a ranar 9 ga watan Janairun 2023 har sai an cika sharuddan dokar da ta kafa bankin.
Majalisar ta kuma gayyaci gwamnan babban bankin kasa CBN Godwin Emiefele bisa tanadin dokar babban bankin domin ya yiwa majalisar bayani kan manufofin bankin da dama a kwanakin baya.
An dai fusata ne a zauren majalisar a ranar Alhamis yayin da ‘yan majalisar ke bi da bi suna yin Allah wadai da sabuwar manufar cire kudaden, suna masu cewa hakan zai yi matukar shafar kananan ‘yan kasuwa da tattalin arziki tunda akasarin al’ummomin karkara ba su da damar yin banki.
Sai dai kuma bayan wani batu da Mark Gbillah ya gabatar kan tanade-tanaden dokar babban bankin kasar, majalisar ta umurci Gwamnan CBN da ya gurfana gaban majalisar a ranar Alhamis 15 ga watan Disamba, 2022 domin yi wa majalisar bayani kan dalilin da ya sa a bar manufar. tsaya.
