Kotu ta dakatar da zaɓen ƙananan hukumomin APC tare da Mai Mala Buni
managarciya
0
98
Kotu ta dakatar da zaɓen ƙananan hukumomin APC tare da Mai Mala Buni
Babbar Kotun da ke zama a Asaba, jihar Delta, a jiya laraba, ta dagakatar da Gwamna Mai Mala Buni na jihar Yobe da sauran mambobin kwamitin rikon kwarya na jam'iyyar APC daga yin aiki kuma su daina nuna kansu a matsayin shugabannin jam'iyyar har zuwa lokacin da za a yanke hukunci a gaban kotun.
Kotun, wacce Mai Shari’a Onome Marshal Umukoro ke jagoranta, ta kuma dakatar da babban taron APC na kananan hukumomi da aka shirya gudanarwa a ranar Asabar, 4 ga Satumba, 2021 a Jihar ta Delta.
Hakan ya biyo bayan karar da Mataimakin Shugaban Jam’iyyar APC a jihar Delta, Olorogun Elvis Ayomanor, ya shigar a kotun biyo bayan rikici da ya barke ranar 10 ga watan Yuli, 2021, sakamakon zaben gundumomi da aka gudanar a fadin jihar.
Yanzu abin jira a gani matsayar da jam'iyar za ta fitar kan wannan hukuncin domin har yanzu ba ta ce komai kan batun ba.
