Ana jiran bayanin daga Gwamnatin Sokoto kan harin Amerika
managarciya
0
53
Sojojin Amurka sun kaddamar da wani mummunan hari kan wuraren ‘yan ta’addan kungiyar ISIS a Najeriya a ranar Alhamis.
Shugaban Amurka, Donald Trump, ne ya bayyana hakan a ranar Alhamis, kusan wata guda bayan ya yi barazanar kai hari kan Najeriya bisa zargin barin ‘yan ta’adda su rika kai hare-hare kan Kiristoci.
A wani sakon da ya wallafa a shafin Truth Social, Trump ya ce:
“Da daren yau, bisa umarnina a matsayina na Babban Kwamandan Rundunar Sojoji, Amurka ta kaddamar da wani gagarumin hari mai tsanani kan ‘yan ta’addar ISIS a Arewa maso Yammacin Najeriya, wadanda ke kai hari tare da kashe mutane cikin mugunta, musamman Kiristoci marasa laifi, a matakin da ba a taba ganin irinsa ba tsawon shekaru da dama, har ma da ƙarni!”
Harin da aka kai a garin Jabo a ƙaramar hukumar Tambuwal ya haifar da fargaba a cikin al'umma tare da shakkun shin 'yan ta'adda ne ake hari ko mutanen gari.
Sai dai a yanzu ana jiran bayani daga gwamnatin jiha kan lamarin wanda hakan zai samar da haske da sahihin ya bayani kan harin domin hankalin mutane ya kwanta a yankin Arewa ta yamma.
