Shugaban ƙasa Bola Ahmed Tinubu ya aika da wasiƙa ga Majalisar Dattawa yana neman amincewarta domin karɓo sabon rancen kuɗi na dala miliyan $516.
Rahotanni sun nuna cewa za a yi amfani da kuɗin wajen aiwatar da manyan ayyukan ci gaba, ciki har da gina manyan hanyoyi da sauran muhimman abubuwan more rayuwa a ƙasar.
An kuma bayyana cewa tuni Majalisar ta miƙa wannan buƙata ga kwamitin da ke kula da basussuka domin nazari cikin gaggawa.
Daga cikin abin da za a yi da bashin akwai cigaba da hanya da ake yi daga Sokoto zuwa Lagos.
