Ƙ𝘂𝗻𝗴𝗶𝘆𝗮𝗿 𝗜𝗛𝗥𝗖-𝗥𝗙𝗧 𝘁𝗮 𝗯𝘂ƙ𝗮𝗰𝗶 𝗚𝘄𝗮𝗺𝗻𝗮𝘁𝗶𝗻 𝗦𝗼𝗸𝗼𝘁𝗼 𝘁𝗮 ɗ𝗮𝘂𝗸𝗶 𝗺𝗮𝘁𝗮𝗸𝗶 𝗸𝗮𝗻 𝗺𝗮𝘀𝘂 ƙ𝗼ƙ𝗮𝗿𝗶𝗻 ɗ𝗮𝘂𝗸𝗮𝗿 𝗱𝗼𝗸𝗮 𝗮 𝗵𝗮𝗻𝗻𝘂 𝗮𝗸𝗮𝗻 𝗦𝗵𝗲𝗶𝗸𝗵 𝗠𝘂𝘀𝗮 𝗟𝘂𝗸𝘂𝘄𝗮 𝗱𝗼𝗺𝗶𝗻 𝘁𝗮𝗯𝗯𝗮𝘁𝗮𝗿 𝗱𝗮 𝘇𝗮𝗺𝗮𝗻 𝗹𝗮𝗳𝗶𝘆𝗮 𝗮 𝗷𝗶𝗵𝗮𝗿
Ƙungiyar kare haƙƙin bil’adama ta International Human Rights Commission – Relief Fund Trust (IHRC-RFT), ta buƙaci Gwamnatin Jihar Sokoto da jami’an tsaro su gaggauta ɗaukar mataki kan masu ƙoƙarin ɗaukar doka a hannu, musamman dangane da lamarin Sheikh Musa Lukuwa.
A wata sanarwa da Daraktan Hulɗa da Jama’a na IHRC-RFT a Jihar Sokoto ya fitar ga manema labarai a daren Talata, ƙungiyar ta yi Allah-wadai da abin da ta bayyana a matsayin gazawar hukumomin tsaro wajen ɗaukar mataki kan wasu kalamai da Sheikh Musa Lukuwa ya yi da kuma ikirarin da wasu matasa suka yi akan Malamin.
Ƙungiyar ta ce kalaman na iya haifar da tashin hankali da tada zaune tsaye, yayin barazanar matasan masu dauke da makamai kan iya rura wutar rikici a jihar.
IHRC ta yi kira ga Gwamnatin Sokoto da jami’an tsaro da su ɗauki matakin gaggawa domin dakile duk wani abu da ka iya haifar da sabon rikici.
IHRC-RFT ta kuma yi kira ga hukumomin da abin ya shafa da su tabbatar da bin doka da oda, tare da kare zaman lafiya da tsaron al’ummar jihar Sokoto.