Rundunar Sojin Saman Najeriya ta ce ta kashe aƙalla kwamandojin ƙungiyar ISWAP guda tara, ciki har da babban kwamanda Abu Khalid Al Muhajir, a wani samamen sama da ta kai a dajin Sambisa na Jihar Borno.
Kakakin rundunar, Air Commodore Ehimen Ejodame, ya ce an kai harin ne ranar Asabar bayan samun bayanan sirri kan zirga-zirgar ’yan ta’addan a yankin.
Ya ce an kuma jikkata wasu ’yan ta’addan, yayin da harin ya lalata wata maɓoyarsu.
