’Yan Siyasa suna sayen katin Zabe wato PVC daga masu jefa kuri’a----Shugaban Hukumar zabe
managarciya
Gabanin zabukan 2023, Hukumar Zabe Mai Zaman Kanta ta Kasa, a yau Litinin, ta zargi wasu ‘yan siyasa da siyan katin zabe na dindindin da kuma sanya kudi a kan masu kada kuri’a domin su girbe Lambobin tantance masu kada kuri’a.
Hukumar ta kuma ce a baya-bayan nan an yanke wa wasu mutane biyu hukunci bisa laifin mallakar katin zabe ba bisa ka’ida ba a jihohin Sokoto da Kano.
Mukaddashin shugaban hukumar zabe ta INEC kuma kwamishinan kasa mai kula da babban birnin tarayya Abuja, Nasarawa, Kaduna da Filato, Mohammed Haruna, ne ya bayyana hakan a Abuja, a yau Litinin, yayin kaddamar da shirin #YourVoteMatters na kungiyar masu sa ido kan zabe, NESSACTION.
Gidauniyar International Foundation for Electoral System ce ta tallafa wa aikin; Hukumar Raya Kasa da Kasa ta Amurka da Ofishin Harkokin Waje, Commonwealth da Ofishin Ci Gaba.
Tana da nufin taimakawa INEC wajen kara yawan katinan zabe na PVC da aka tattara gabanin babban zaben 2023 da kuma masu kada kuri’a da suka taru a ranar zabe.
Kwamishinan na INEC na kasa ya kuma gargadi masu zabe da su daina yin katsalandan a kan mallakar PVC.
