Majalisar Dattawa Ta Aminta Da Dokar Kowace Jam'iyya Sai Ta Yi Zaben Fitar Da Gwani Na Kai tsaye
Karamin sashe na (2) yanzu yana karanta, "Dangane da sashe na 63 na wannan Dokar, jefa ƙuri'a a zaɓe da watsa sakamakon a ƙarƙashin wannan Dokar za ta kasance daidai da tsarin da Hukumar, (INEC) ta ƙaddara wanda zai iya haɗawa da jefa ƙuri'a ta lantarki." Majalisar Dattawa ta amince da zaben fidda gwani na kai tsaye ga jam'iyyun siyasa ta gyara sashe na 87 wanda ya ba da damar yin zaben fidda gwani kai tsaye ko ta hanyar wakillai.
managarciya
0
83
Majalisar dattijai a ranar Talata ta zartar da wani kudirin dokar soke hukuncin da ya sanya hukumar Zabe Mai Zaman Kanta ta Kasa ta nemi amincewar Hukumar Sadarwa ta Najeriya kafin ta mika sakamakon zabe ta hanyar na'urar Sadarwa.
Babban zauren ya kuma kada kuri'ar goyon bayan gudanar da zaben fitar da gwani na jam'iyyun siyasa ta hanyar kai tsaye waton direct primary.
An yi wa dokar taken, “Fitar da sassan dokar da aka yi wa gyara don Dokar soke Dokar Zabe ta 2021 da aiwatar da Dokar Zabe ta 2021.”
Majalisar dattijai a watan Yuli, yayin nazarin rahoton Dokar Zabe ta 2010 (Gyaran fuska) Dokar 2021 da Kwamitin ta na INEC ya gabatar, ta gyara sashi na 52 (3) kamar yadda aka ba da shawara.
Yayin da sashin kamar yadda kwamitin ya gabatar a cikin rahoton ya ce INEC za ta iya watsa sakamakon zabe ta hanyar na'urar zamani inda kuma a lokacin da ya dace, Majalisar Dattawa ta zartar da kwaskwarimar da ta ce “INEC na iya aika sakamakon zabe ta hanyar na'ura a tabbatar wa NCC dangane da isasshe tsaro. (National Network).
Majalisar wakilai a lokacin, ta amince da sashin kamar yadda kwamitocin majalisun biyu suka ba da shawarar a kan INEC.
Sakamakon haka, Majalisar Dattawa ta kasance cikin idon guguwar da ta sa ta yi gyara.
Mataki na 52: yana da alaƙa da gudanar da zaɓe ta hanyar buɗe ƙuri'ar sirri.
Karamin sashe na (2) yanzu yana karanta, "Dangane da sashe na 63 na wannan Dokar, jefa ƙuri'a a zaɓe da watsa sakamakon a ƙarƙashin wannan Dokar za ta kasance daidai da tsarin da Hukumar, (INEC) ta ƙaddara wanda zai iya haɗawa da jefa ƙuri'a ta lantarki."
Majalisar Dattawa ta amince da zaben fidda gwani na kai tsaye ga jam'iyyun siyasa ta gyara sashe na 87 wanda ya ba da damar yin zaben fidda gwani kai tsaye ko ta hanyar wakillai.
Sashe na 87 yana da nasaba da tantance 'yan takara ta jam'iyyu.
Yanzu an karanta, "Sashe na 87. (1)" Jam'iyyar siyasa da ke son zaɓar 'yan takara don zaɓe a ƙarƙashin wannan Dokar za ta gudanar da zaɓen fidda gwani kai tsaye ga masu son tsayawa takara a duk zaɓen da aka zaɓa, wanda Hukumar za ta sanya ido."
