Kakale Shuni ya roki NCC su rufe layukkan waya a kananan hukumomi 3 na Sokoto

Dan majalisar wakillan Nijeriya ya yi kira ga hukumar sadarwa ta kasa NCC da ta rufe layukkan sadarwa a kananan hukumomi uku dake jihar Sokoto.

Sep 16, 2021 - 08:44 Updated: Sep 16, 2021 - 11:16

1 432

Kakale Shuni ya roki NCC su rufe layukkan waya a kananan hukumomi 3 na Sokoto

Dan majalisar wakillan Nijeriya ya yi kira ga hukumar sadarwa ta kasa NCC da ta rufe layukkan sadarwa a kananan hukumomi uku dake jihar Sokoto.

Kananan hukumomin su ne Bodinga da Dange Shuni da Tureta dake kan iyaka da jihar Zamfara.

Kiran ya zo ne a lokacin da dan majalisar mai wakiltar kananan hukumomin Bodinga da Dange Shuni da Tureta Honarabul Balarabe Shehu Kakale a zaman majalisa na Laraba ya bayyana kudirin goyon baya kan muhimmancin da ke akwai na darajjanta mutane.

Ya ce akwai bukatar yankewar a kananan hukumomin duba da yanda matsalar tsaro ke ta'azara a sati nan da suka gabata.

A cewarsa lamarin ya kazanta a garuruwan Galma da Dutse da Buleri a gundumar Wababe a tsakanin 1 ga Satumba zuwa 3.

Ya cigaba da cewa an sake kai wani harin na 'yan bindiga a kauyukkan Jibuwal da Fajaldu da Waramu da Bissalam da Illelar Bissalam a gudumar Dange. An kai Tauma cikin karamar hukumar Bodinga, bayan wanda aka kai a Lambar Tureta wanda ya yi sanadin mutuwar mutum 10.

Kakale ya fahimci kananan hukumomin uku suna da iyaka da garin Bakura da Maradun da Shinkafi a jihar Zamfara matakan da sojoji ke dauka kan 'yan bindigan ke sanya suna tsallakowa zuwa makwabtan jihar.</div

Dan majalisar ya ce kan ta'azarar aiyukkan maharan sama da magidanta 100 da mutum 500 suka bar gidajensu a Tureta da Dange Shuni suna neman taimako a jihar Sakkwato.

Majalisar tarayya ta yi kira ga hukumar tsugunar da 'yan gudun hijira ta taimakawa mutanen a wuraren da suka koma, haka ma hukumar ba da agajin gaggawa su samar da abubuwan jinkai ga mutanen.

Daga Sadiya Attahiru