Shugaban Jam’iyyar ADC ta Kasa, Sanata David Mark ya gayyaci Gwamnan Jihar Bauchi Sanata Bala Abdulkadir Mohammed da ya shiga Jam’iyyat ADC a matsayin wani vangare na qoqarin kawar da Jam’iyyar APC a babban zaven 2027.
David Mark wanda ya aika da wata tawaga mai qarfi qarqashin jagorancin tsohon Sakataren Gwamnatin Tarayya Babachir Lawal zuwa Bauchi ya yaba wa gwamnan kan jajircewarsa da kuma kyawawan halayensa na shugabanci.
Babachir ya ce ziyarar tasu ta zo ne daga Shugaban Jam’iyyar na Kasa, da nufin gayyatar Gwamna Bala Mohammed ya shiga ADC kafin babban zaben 2027.
Ya bayyana Gwamnan a matsayin mutum mai jajircewa wanda shiga jam’iyyar zai qara mata farinjini da damarmaki Na Cin zave a zavuka masu zuwa.
Babachir ya ce akwai buqatar ‘yan adawa su hada kai kuma ya yi gargadin cewa rashin hada qarfi da qarfe na iya haifar da mummunan sakamako ga makomar Najeriya.
Ya yi gargaxin cewa Najeriya na fuskantar bala’i idan gwamnati mai ci ta ci gaba da mulki bayan 2027, yana mai jaddada Buqatar jam’iyyun adawa su hada kai su qalubalanci APC.
“Muna nan a Bauchi a yau a matsayinmu na Wakilin Shugaban Jamiyyar ADC na qasa, Sanata David Mark. Sanata Mark ya aiko mu da wannan saqon ne saboda ya san cewa yaqin da ke tafe tsakaninmu a 2027 na zabar sabbin mutane don jagorantar Najeriya zai iya yin nasara ne kawai idan dukkan sassan qasar da ke da kyawawan manufofi da fatan alheri ga ‘yan Najeriya suka sami damar haxa kai don tsayawa tsayin daka mu kawar da APC a 2027 .
Gwamnan Jihar Bauchi, Bala Mohammed, ya ce ana ci gaba da tattaunawa don komawa ga Jam’iyyar (ADC), yana mai nuni da yiwuwar jam’iyyar zata qalubalanci Jam’iyyar APC mai mulki a 2027.
Gwamna Bala ya ce shugaban jam’iyyar ADC na kasa, Sanata David Mark, ya miqa masa goron gayyata yana gayyatarsa ya shiga jam’iyyar ta ADC.
Ya ce jam’iyyarsa, Jam’iyyar PDP, a halin yanzu tana fama da qalubale Iri iri, kuma dukkan qoqarin sasanta bambance-bambance a cikin jam’iyyar ya gaza samun nasara, wanda hakan ya sa magoya bayansa ke matsa masa lamba don ya binciko wasu hanyoyi da zaa Samu mafita
“Mun tsinci kanmu cikin wani mawuyacin hali inda jam’iyyarmu tana fama da qalubale Dole ne mu sami wuri a cikin ‘yan adawa. A nan ne makomarmu da makomarmu ta siyasa ke kai mu. Kuma ADC ta bayyana a matsayin wani dandali mai xorewa kuma abin yarda,” in ji shi.
Gwamna Bala ya ce ba a dauki shawarar shiga ADC da wasa ba, amma tsarin jam’iyyar da shugabancinta sun sa ta zama zaɓi mai kyau.
Ya tabbatar da cewa ana ci gaba da tattaunawa kuma ADC ita ce wurin da aka fi so, amma zaiyi shawarwari DA Masu ruwa DA tsaki na Jamiyyar Na qasa Daga yanzu zuwa Ranan Alhamis don su yanke shawarar komawa baki xaya..
Ya ce tunda yana da matsayi a cikin shugabancin PDP na ƙasa, zai yi shawarwari da sauran masu ruwa da tsaki domin su sami shawarar gama gari ta ƙaura zuwa ADC.
Taron ya zo ne kwana xaya bayan Gwamna Bala Mohammed ya kira taron masu ruwa da tsaki na PDP a Bauchi, da nufin warware taqaddamar cikin gida da kuma haɓaka haɗin kai a cikin jam’iyyar.
Masu lura da harkokin siyasa sun ce sabon ci gaban zai iya sake fasalin yanayin siyasa a Jihar Bauchi da ma wasu sassan jihar, yayin da shirye-shirye ke ci gaba da qaratowa a hankali zuwa ga zaben 2027.
