Buhhari Ya Yi Wa 'Yan Sanda Karin Albashi Da Kashi 20
managarciya
0
124
Gwamnatin Nijeriya karkashin jagorancin shugaban kasa Muhammadu Buhari ta amince da biyan ‘yan sandan kasar sabbin kudaden alawus wadanda za su sa albashin da suke dauka ya karu da kashi 20 cikin 100.
A cewar ministan ‘yan sandan, za a fara biyan wannan sabon tsarin biyan alawus na musanmman wanda majalisar zartarwa ta amince da shi ne a watan janairun 2022; wato watan gobe kenan.
Ya ce waɗannan kudaden alawus za su kara yawan albashin jami’an ‘yan sanda a kasar da kashi 20 bisa dari.
BBC Hausa ta rawaito Ministan ya ce ƙarin albashin wani bangare ne na kokarin da gwamnatin Shugaba Muhammadu Buhari ke yi na biyan bukatun da masu zanga-zangar EndSars suka gabatar.
Taron majalisar zartarwar wanda Shugaba Muhammadu Buhari ya jagoranta ya kuma amince da yi wa ‘yansandan ƙarin ga kudaden alawus na kwanan daji wato duty tour allowance da kashi shida bisa dari.
Wannan karin lamari ne dai faranta ma'aikatan na 'yan sanda kuma zai kara zaburar da su ga bayar da himma a cikin aikinsu.
