'Yan Bindiga Sun Kashe Mutum Biyu Bayan Sun Harbi Tsohon Dan Majalisa a Zamfara
‘Yan bindigar a cewar majiyoyi sun tare babbar hanyar da ta dade tana cunkoso da rana da misalin karfe biyu na yammacin Laraba da nufin sace matafiya.
managarciya
0
77
Wasu ‘yan bindiga sun kai wa tsohon dan majalisar wakilai mai wakiltar mazabar Talata Mafara/Anka a jihar Zamfara, Kabiru Yahaya Classic Hari.
An harbe shi ne a cikin motar sa a kusa da Kucheri, da ke kan titin Gusau zuwa Funtua a ranar Laraba da yamma yayin da yake kan hanyarsa ta zuwa jihar Kano.
An bayar da rahoton mutuwar mutane biyu ko da yake ba a cikin ayarin sa ba yayin harin da ‘yan ta’addan suka kai.
‘Yan bindigar a cewar majiyoyi sun tare babbar hanyar da ta dade tana cunkoso da rana da misalin karfe biyu na yammacin Laraba da nufin sace matafiya.
Abin bakin ciki shine, Motar tsohon dan majalisar tarayya ta kutsa kai cikin ‘yan ta’addan da ke aiki tare da budewa motarsa wuta, inda ya samu raunuka da dama.
Tuni dai aka kai wanda aka kashe zuwa asibiti kuma a halin yanzu yana samun kulawar likita.
Kokarin tattaunawa da hukumomin ‘yan sanda a Zamfara ya ci tura domin jami’in hulda da jama’a, ASP Yazid Abubakar, bai amsa kiran ba.
Harin na baya-bayan nan a kan babbar hanyar Gusau-Funtua na zuwa ne bayan da aka jibge dakarun soji a kan babbar hanyar domin dakile harin da ake kaiwa kauyukan da matafiya.
