Tambuwal, Da Wasu Jiga-Jigan PDP Sun Lallaba Sun Gana da Obasanjo 

Tambuwal, Da Wasu Jiga-Jigan PDP Sun Lallaba Sun Gana da Obasanjo 


Ɗan takarar mataimakin shugaban ƙasa na jam'iyyar PDP, Gwamna Ifeanyi Okowa na jihar Delta ya jagoranci wakilan jam'iyyar sun sa labule da tsohon shugaban ƙasa, Olusegun Obasanjo, a Abeokuta ranar Asabar. 

Sauran tawagar wakilan sun haɗa da Darakta Janar na kwamitin yakin neman zaɓen shugaban kasa a PDP, Gwamna Aminu Tambuwal na Sakkwato da tsohon gwamnan Jigawa, Sule Lamido.
Mai taimakawa tsohon shugaban kasa kan harkokin watsa labarai ne ya sanar da haka a wata sanarwa da ya fitar ranar Asabar sakamakon rashin sanin yan jarida gabanin fara taron. 
A cewar sanarwa, taron wanda ya gudana a sirrance ya samu halartar tsohon gwamnan jihar Osun, Olagunsoye Oyintola, tsohon gwamnan jihar Kuros Riba, Liyel Imoke, da kuma d'an kasuwa, Oyewole Fasawe 
Gwamna Tambuwal ya kara da cewa: "Sako na ga 'yan Najeriya shi ne su fito kwansu da kwarkwata idan ranar zabe ta zo a watan Fabrairu su dangwalawa tikitin da ya hada yan takarar da suka yi dai-dai da al'adar kasar nan, wadanda zasu kafa gwamnatin da zata hada kan kasa."