Gwamnatin jihar Sakkwato ta kashe kudi biliyan 1.764 wurin sayen motoci 30 da za a baiwa mambobin majalisar zartarwa ta jiha a watanni uku na farkon shekarar 2024.
Jaridar SolaceBase ta fitar da bayanin tare da kawo hobbasar gwamnati a kasafin kudin shekarar don an karar da jama’a tafiyar gwamnatin Sakkwato.
A bayanin sun ce kowane Mamba a majalisar zartawa ta jiha zai samu mota da kudinta zai kai naira miliyan 58.
An sawo motocin ne a lokacin da ake ta kira ga gwamnatoci su rage yawan kudin da suke kashewa saboda matsin tattalin arziki da ake fama da shi a Nijeriya, halin da Sakkwato ma tana ciki.
A bayanin sun nuna Gwamnati a gefen Noma miliyan 45 ne kadai ta kashe, a ma’aikatar ilmi manyan aiyukkan da aka yi miliyan 14 aka kashe a wata ukun na farkon shekarar 2024.
