Bawa Ya Fallasa Yadda Ake Zamba a Tallafin Man Fetur a Najeriya
managarciya
Tsohon shugaban hukumar EFCC, Abdulrasheed Bawa, ya bayyana cewa an wawure biliyoyin nairori daga tsarin tallafin man fetur a Najeriya ta hanyoyi na yaudara kamar:
Shigo da mai na bogi (ghost imports) – Kamfanoni na karɓar kudin tallafi akan mai da ba su taɓa shigowa da shi ba.
Ƙarin farashi (over-invoicing) – Ana ƙara girman farashi ko adadin litar mai domin karɓar tallafi fiye da yadda ya kamata.
Canja takardun jigilar kaya – Ana canza bayanai a kan "bill of lading" don a nuna an shigo da mai da yawa ko a farashi mai tsada.
Karɓar kudin tallafi sau biyu akan jirgi ɗaya (double claims) – Jirgin ruwa ɗaya sai ya zama an yi amfani da shi a matsayin hujjar karɓar kudade sau da dama.
Satar man tallafi ko fitar da shi ƙetare (smuggling) – Mai da ya kamata a saida cikin gida a rage farashi, sai a sace shi a kai kasashen waje.
Bincike da Sakamakon EFCC
Bawa ya bayyana cewa a lokacin da yake shugaban EFCC, sun gano kusan naira biliyan 70 da aka zamba ta wannan hanya, kuma sun dawo da kimanin biliyan 20 zuwa hannun gwamnati.
Shari'a da Kiran Gyara
Ya nuna damuwa da yadda shari'o'in da suka shafi wannan zamba ke tafiyar hawainiya a kotu – wasu ba su da wani cigaba na tsawon shekaru.
AbdulRasheed Bawa ya wallafa littafi mai suna:
