Kungiya A Gombe Ta Nemi A Karrama Tsohon Shugaban Kasa Janar Sani Abacha
A cewar sa Shekara 25 da bada jihar Gombe amma har yanzu babu wani waje na musamman da akq ware aka sanya sunan Marigayi Janar Sani Abacha, Inda yace a gaskiya Gombawa ba suyi kara ba. A dan haka sai ya yi kira ga Gwamnan jihar Gombe Alhaji Muhammad Inuwa Yahaya, da a samu wani waje kamar filin sauka da tashi na jiragen sama ko Asbitin kwararru ko jami'ar jihar Gombe ko Kuma a gina wani waje a sa sunan Marigayi Janar Sani Abacha Uban Gombawa. Kwamred Tanimu, yace idan akayi haka ya nunawa duniya cewa lailai Gombe sun karrama Uban su, amma a halin yanzu abun kunya ne ace duk girman jihar Gombe babu wani waje Mai sunan Marigayi Janar Sani Abacha bayan shi ya bada jiha.
managarciya
0
58
Kungiya A Gombe Ta Nemi A Karrama Tsohon Shugaban Kasa Janar Sani Abacha
Daga Habu Rabeel, Gombe
Wata Kungiya Mai zaman kanta a jihar Gombe dake kokarin an daga sunan Marigayi Janar Sanu Abacha ta The Great founder of Gombe State Rememberance, tace bai kamata ace Gombawa sun manta Marigayi Abacha ba.
Shugaban kungiyar Kuma dan gwagwarnaya Kwamred M.A. Tanimu wanda Jakadan zaman lafiya ne na (peace Ambassador) wanda Kuma har ila yau shi ne ya kafa kungiyar yace kamata ya yi Gombawa sun karrama Janar din saboda shi ya shi ya basu jiha.
Kwamred M.A Tanimu, yace duk irin ci gaban da jihar Gombe tayi har wasu ke sha'awar zama a jihar albarkacin Marigayi Janar Sani Abacha ne dan shi ba da jiha a shekarar 1996 Wanda da bai bada jihar ba da har yanzu Gombe na nan a matsayin kauye.
A cewar sa Shekara 25 da bada jihar Gombe amma har yanzu babu wani waje na musamman da akq ware aka sanya sunan Marigayi Janar Sani Abacha, Inda yace a gaskiya Gombawa ba suyi kara ba.
A dan haka sai ya yi kira ga Gwamnan jihar Gombe Alhaji Muhammad Inuwa Yahaya, da a samu wani waje kamar filin sauka da tashi na jiragen sama ko Asbitin kwararru ko jami'ar jihar Gombe ko Kuma a gina wani waje a sa sunan Marigayi Janar Sani Abacha Uban Gombawa.
Kwamred Tanimu, yace idan akayi haka ya nunawa duniya cewa lailai Gombe sun karrama Uban su, amma a halin yanzu abun kunya ne ace duk girman jihar Gombe babu wani waje Mai sunan Marigayi Janar Sani Abacha bayan shi ya bada jiha.
Daga nan sai Dan gwagwarmayar ya kirayi al'ummar Gombe da cewa a har kullum suka yi Sallah suci gaba da yiwa Marigayin adduar alkhairi da daukacin iyalan sa har ma da Mamar Gombawa Hajiya Dokta Maryam Sani Abacha.
Xxxx.
