Spread the love

Gamayyar ƙungiyoyin Arewa CNG ta ce za ta fara zanga-zanga tun daga ranar yau Alhamis akan rashin tsaron da ke addabar arewacin Najeriya, har sai abin da hali ya yi.

Kamar yadda kungiyar ta ce, za ta yi hakan ne don sanar da shugaban kasa Muhammadu Buhari irin halin da jihohin arewa 19 suke ciki.

Kungiyoyin na Arewa sun ce, gwamnonin arewa sun gaza a kan bai wa rayuka da dukiyoyin ‘yan arewa cikakken tsaro, don haka tura ta kai bango. Ba a harkar tsaro kadai gwamnonin suka kasa ba, har da karin kudi akan asalin kudin wutar lantarki.

“Mun fahimci cewa shugaban kasa da gwamnoni basa yin wani kokari wurin daidaitawa da malaman jami’a. CNG ta kula da yadda harkar tsaro ta lalace a arewa, kuma gwamnati bata yin komai akai.

Sun kara da cewa, shugaban kasa ya kalmashe hannu ya zura wa dubbannin ‘yan Najeriya ido, ‘yan bindiga suna ta wahalar dasu. Tura ta kai Bango ya isa haka!

Wannan lamarin ana ganin kamar hakan zai samar da abin da ake bukata kwalliya ta biya kudin sabulu a yankin arewa.

Leave a Reply

Your email address will not be published. Required fields are marked *